Kafir: The Spirit Gate

အတိတ်က ငရဲခန်းဆိုတာ တကယ်တမ်း ပြီးဆုံးသွားတာမဟုတ်ဘူး… အချိန်ကိုက်ဖြစ်ဖို့ စောင့်နေခဲ့တာ” Indo Horror အကြမ်းစားတွေ၊ Folk Horror ကားကောင်းကောင်း ကြိုက်တဲ့ ပရိသတ်တွေအတွက် အခုမှ ပူပူနွေးနွေး ထွက်ရှိထားတဲ့ အင်ဒိုရုပ်ရှင်ကားသစ်ကြီးကို တင်ဆက်ပေးလိုက်ပါပြီ။ သရဲကားဆိုပြီး Jump Scare တွေနဲ့ပဲ ဝုန်းဒိုင်းကျဲ ခြောက်မဲ့သရဲကားမဟုတ်ဘဲ အင်ဒိုနီးရှားတို့ရဲ့ ရိုးရာယုံကြည်မှုတွေ၊ အောက်လမ်းပညာတွေနဲ့အတူ စိတ်ကို ခြောက်ခြားစေမယ့် Psychological နဲ့ Supernatural Horror ဘက်ကို ပိုသွားထားတဲ့ ဇာတ်ကားမျိုးပါ။ ဇာတ်လမ်းအကျဉ်းလေးကတော့… လွန်ခဲ့တဲ့ ၈ နှစ်တုန်းက သေမင်းရဲ့ လက်တစ်ကမ်းကနေ သီသီလေး လွတ်မြောက်ခဲ့တဲ့ ဆရီ တို့ မိသားစုအကြောင်းကို အခြေခံထားတာပါ။ အဲဒီတုန်းက အဖြစ်အပျက်ဆိုးကြီး ပြီးသွားပြီ၊ အရာအားလုံး အေးချမ်းသွားပြီလို့ ထင်မှတ်ထားခဲ့ပေမဲ့… တကယ်တမ်းကျတော့ အဲဒီအကြောက်တရားတွေဟာ ဘယ်တော့မှ ပျောက်ကွယ်မသွားခဲ့ပါဘူး။ (၈) နှစ်ကြာပြီးတဲ့နောက်မှာတော့… ဆရီတို့ မိသားစုဆီကို အဲဒီအရိပ်မည်းကြီးနဲ့ ကျိန်စာတွေက ထပ်မံခြိမ်းခြောက်လာပါတော့တယ်။ သူတို့မိသားစုကို ပစ်မှတ်ထားနေတဲ့ အရာက ဘာလဲ… ဆရီတစ်ယောက် သူ့ရဲ့ ချစ်လှစွာသော မိသားစုကို ဒုတိယအကြိမ် ထပ်ပြီး ကာကွယ်နိုင်ပါ့မလား… အတိတ်က ဘယ်လို လျှို့ဝှက်ချက်ဆိုးတွေ ရှိနေခဲ့တာလဲဆိုတာ ရင်ဖိုစွာနဲ့ပဲ အတူတူစောင့်မျှော်ကြည့်ရှုလိုက်ကြရအောင်ပါ။