To Catch A Virgin Ghost

လူမိုက်ဂိုဏ်းရဲ့ အဖွဲ့ဝင်ဖြစ်တဲ့ ဆော့ထယ် (Kwon Oh Jung)ဟာ ဂိုဏ်းရဲ့ စိန်တွေကို ခိုးယူပြီး ထွက်ပြေးလာရင်းက ရှီရှီလ်ရီဆိုတဲ့ ‌ရွာငယ်လေးကို ကားမတော်တဆမှုဖြစ်ပြီး ရောက်ရှိသွားခဲ့ပါတယ်။ လုပ်ဖော်ကိုင်ဖက်တွေဖြစ်ခဲ့တဲ့ ဂင်ယန်းအီ (Im Chang Jung)ဟာ သူ့ကို တစ်ဖက်လှည့်နဲ့ လှည့်စားသွားတဲ့ ဆော့ထယ်နောက်ကို ရေဆုံးမြေဆုံးလိုက်လံရှာဖွေရင်း စိန်တွေကို ပြန်အရယူဖို့ တာဝန်ပေးအပ်ခံလိုက်ရပြီး ရှီရှီလ်ရီရွာလေးကိုပဲ ဦးတည်ရောက်လာခဲ့ပြန်ပါတော့တယ်။ ဆော့ထယ်ကို ရှာပုံတော်ဖွင့်ရင်းနဲ့ ဂင်ယန်းအီနဲ့ သူ့နောက်လိုက်တွေ ကြုံတွေ့ရသမျှကို ဟာသနှောပြီး ရိုက်ကူးထားတဲ့အတွက် သရဲကားဆိုတာထက် ပေါ့ပေါ့ပါးပါးနဲ့ ရယ်မောနေရမှာသေချာပါတယ်။ ဇာတ်လမ်းက ပေးချင်တဲ့ သင်ခန်းစာကိုလည်း ဇာတ်သိမ်းတာနဲ့ ချက်ချင်းခံစားမိနေနိုင်မှာ ဖြစ်တဲ့အတွက် ပေါ့ပေါ့ပါးပါးနဲ့ ဘယ်လိုသင်ခန်းစာကို ပေးမလဲဆိုတာ အဖြေရှာကြည့်ရအောင်နော်။