Captured

ဆာတို မီဆာကီဆိုတာ အထက်တန်းနောက်ဆုံးနှစ် ကျောင်းသူလေးတစ်ယောက်။ တစ်ကိုယ်တည်းသမား မိခင်ကို ငွေရေးကြေးရေး ဝန်မပိစေချင်လို တက္ကသိုလ်ဆက်မတက်တော့ဘဲ ဇာတိမြို့လေးမှာ အချိန်ပိုင်းအလုပ်လုပ်ဖို ဆုံးဖြတ်ထားတဲ့ ရိုးရိုးအေးအေး ကောင်မလေးပေါ့။ ဒါပေမဲ့ သူ့သူငယ်ချင်း ဆတ်ဆုကီကတော့ Social Media ခေတ်ကြီးမှာ Fame ရဖိုနဲ့ တက္ကသိုလ်တက်ဖိုကိုပဲ အာရုံစိုက်နေသူပါ။ တစ်နေ့မှာတော့ မီဆာကီတစ်ယောက် သူငယ်ချင်းရဲ့ တိုက်တွန်းမှုနဲ့ ရိုက်ထားတဲ့ Vlog တစ်ခုထဲမှာ ထူးဆန်းတဲ့ သရဲပုံစံအရိပ်မည်းကြီး ပါသွားရာကနေ ဗီဒီယိုက အွန်လိုင်းမှာ Viral အကြီးအကျယ် ဖြစ်သွားပါတော့တယ်။ ဒီကနေ Fame တက်လာပြီး အရသာတွေ့သွားတဲ့ သူငယ်ချင်းနှစ်ယောက်ဟာ Follower တွေ၊ Views တွေတိုးဖိုအတွက် သရဲခြောက်သလိုလို ပရလောက ဗီဒီယိုအတုတွေကို ဆက်တိုက်ဖန်တီးပြီး တင်ဖို့လုပ်ပါတော့တယ်။ ဒါပေမဲ့ "လောဘ" က အတောမသတ်နိုင်တော့ ပိုပြီးသည်းထိတ်ရင်ဖိုဖြစ်မဲ့ Content မျိုး ရဖိုအတွက် သရဲခြောက်တယ်လို နာမည်ကြီးတဲ့ စွန့်ပစ်အဆောက်အအုံဟောင်းကြီးဆီကို သွားရောက် စူးစမ်းကြပါလေရော။ အဲဒီနေရာမှာတော့ သူတို ထင်သလို အတုအယောင်မဟုတ်ဘဲ တကယ့်ကို ကြောက်မက်ဖွယ်ရာ သဘာဝလွန် ဖြစ်ရပ်အစစ်အမှန်ကြီးနဲ့ ထိပ်တိုက် ရင်ဆိုင်ရပါတော့တယ်။ ဒီဘုရားကျောင်းကနေ ပြန်အလာမှာ မီဆာကီနောက်မှာ ကီမိုနိုဝတ်စုံနဲ့ မျက်နှာဖုံးကြီးနဲ့ အရိပ်ကြီးက ဘယ်သွားသွား တကောက်ကောက်လိုက်နေပြီး ဒီအရိပ်ကြီးကို ဆတ်ဆုကီက မမြင်ရဘဲ မီဆာကီကပဲ မြင်နေရတာပါ။ Online Fame နောက်လိုက်ရင်း အရိပ်ကြီးက ကိုယ့်နောက်ပြန်လိုက်လာတဲ့အခါ သူငယ်ချင်းနှစ်ယောက် ဘယ်လိုဖြေရှင်းကြမလဲဆိုတာကတော့...